Cynhelir taith gerdded Ysgol Gymunedol Talgarreg ar y cyd â Chylch Meithrin a Ti a Fi Talgarreg ar nos Wener, 13eg o Fedi (os bydd y tywydd yn caniatáu).
Mae croeso i bawb ymuno â ni i gyd-gerdded y siwrnai 3 milltir, gan ymgynnull am 5yh ar sgwâr Alltmaen (lle saf y Garreg Wen). Ceir peth lle i barcio trwy garedigrwydd teulu Evans, Henbant, ond argymhellir i bawb rannu ceir cymaint â phosib. Bydd yn cymryd ychydig dros awr i ni gyrraedd terfyn y daith ym mhentref Talgarreg.
Bydd opsiwn i archebu swper o’r dafarn.
Bydd taflenni nawdd gan ddisgyblion Ysgol Talgarreg, a phlant Cylch Meithrin a Ti a Fi Talgarreg, a diolchwn i bawb am eu nawdd caredig.