Mae’r Wardeniaid yn ôl gyda’u pantomeim arobryn blynyddol!
Yn dilyn llwyddiant ysgubol ‘Cinderella’ y llynedd, mae’r Wardeniaid gwych yn dychwelyd i Ganolfan y Celfyddydau Aberystwyth gyda ‘Dick Whittington and the Pi-Rats of the Caribbean’.
Yn cael ei gyfarwyddo gan Richard Cheshire, gyda’r cyfarwyddo cerddorol gan Elinor Powell a’r coreograffi gan Lorna Lowe a Carl Ryan, bydd cast o berfformwyr talentog o bob oedran yn mynd â chi ar anturiaeth forwrol yn y cynhyrchiad anhygoel hwn.
Richard Cheshire ac Ioan Guile sy’n serennu, ac ymunir â nhw gan hoelion wyth y Wardeniaid sef Theresa Jones, Carl Ryan, Alex Neil, Julie McNicholls Vale, Donna Richards a Miriam Llwyd.
Mae ‘Dick Whittington and the Pi-rats of the Caribbean’ yn llawn jôcs, hwyl a sbri! Bydd pobl o bob oedran wrth eu bodd gyda’r sioe ysblennydd hon, felly archebwch eich tocynnau’n gyflym cyn iddynt werthu allan!
Cynhelir perfformiad gydag Iaith Arwyddion Brydeinig (BSL) ar Ddydd Sul, 19eg Ionawr am 3pm.
Anghenion Mynediad: A wnewch chi gysylltu â ni os oes gennych unrhyw anghenion mynediad a fyddai’n gofyn am seddi addas, neu os oes angen lle priodol i gadair olwyn yn yr awditoriwm.