Dewch i glywed y bardd ifanc o Serbia, Goran Stamenic, sydd ar breswyliad ysgrifennu Ulysses’ Shelter yng Nghaernarfon ar hyn o bryd. Bydd y beirdd lleol Iestyn Tyne a Grug Muse, sydd ill dau â chyfrolau newydd ar fin dod o’r wasg, yn sgwrsio ag o ac yn darllen eu gwaith hwythau hefyd.
Bydd glasied a rhywbeth bach neis i’w fwyta yn disgwyl y rhai sy’n dod i Y Lle Arall, ble fydd mesurau i atal lledaeniad y feirws Covid-19 mewn lle neu mae croeso i chi ymuno arlein.
Bydd gwasanaeth cyfieithu ar y pryd ar gael o’r Gymraeg i’r Saesneg a rhaid cofrestru ymlaen llaw drwy ebostio eirian@palasprint.com neu drwy ddilyn y ddolen ar gyfer ymuno yn y cnawd neu yn ddigidol.