Lighthouse Theatre yn cyflwyno ‘O Little Town of Aberystwyth’
“Plant yn canu, seirenau’r heddlu’n seinio, cnau castan yn cael eu dwyn o dân amddifad … ac mewn stryd gefn frwnt yn yr ardal Dsieineaidd mae Siôn Corn un o’r siopau mawr yn gorwedd yn farw mewn pwll o’i waed ei hun – Aberystwyth adeg y Nadolig.”
Mae Brenhines Denmarc yn llogi’r unig dditectif preifat yng Ngheredigion, Louie Knight. Mewn pum niwrnod, gyda’i bartner ffyddlon Calamity, rhaid iddo ddatrys yr achos – os nad yw’n llwyddo, ni fydd Nadolig, dim anrhegion i’r plant a dim cyngerdd ar gyfer y pengwiniaid sy’n hoffi canu carolau ….
Yn dilyn llwyddiant Aberystwyth Mon Amour yn 2016, mae Lighthouse Theatre yn dychwelyd gyda’r perfformiad cyntaf ar y llwyfan o nofel noir Gymreig arall gan Malcolm Pryce.
Gyda Llinos Daniel yn cyfarwyddo a gyda cherddoriaeth wreiddiol gan Kieran Bailey, dyma gynhyrchiad ar y cyd rhwng Canolfannau Celfyddydau Pontardawe ac Aberystwyth gyda chymorth Cyngor Celfyddydau Cymru a Thŷ Cerdd.
Anghenion Mynediad: A wnewch chi gysylltu â ni os oes gennych unrhyw anghenion mynediad a fyddai’n gofyn am seddi addas, neu os oes angen lle priodol i gadair olwyn yn yr awditoriwm.